De vief veurverkoupadresse in de regio höbbe vandaag de kaertjes gekrege veur het Groat Limburgs Mitzèng Gala op 10 november en het optraeje van de WW-Band op 17 november.

Kaertjes zeen te koup bie:

DA Van Sloun, Kapelwaeg 2 en Café De Sjoester, Mgr. Buckxstraot 3 in BOR

Kwiksjop, Ankerswaeg 70 in BUCHTEN

Traiteur Jongen, Brandstraot 17a in ZITTERD

Bloemenhuis Majo, Marktstraot 30 in ZÖSTERE

Kaertjes veur het Groat Limburgs Mitzèng Gala koste € 12,50.

Kaertjes veur het optraeje van de WW-Band koste € 10,00.

Geer kènt auch hie besjtèlle.

Mörrege, op twaede paosjdaag, geit de veurverkoup van 't sjiekste naojaorsfeës van Bor en omsjtreke van sjart.

Kaertjes veur de WW-Band koste 'n tientje. Kaertjes veur 't Groat Limburgs Mitzèng Gala gaon de deur oet/ de kraom aaf veur 12,50.

De sjtend/mertkraom van  De Bessemebènjers sjtuit op de Kapelwaeg, bie de Hema.

Op twaede paosjdaag sjtart offisjieel de veurverkoup veur 't einige en unieke 2012-konsert van de WW-BAND, dat op 17 november in Bor plaatsvunjt. Auch de veurverkoup veur 't Limburgs Mitzèng Gala geit dan van sjtart.

't Kreumpke van De Bessemebènjers mit de kaertjes is te vènje oppe Kapelwaeg, bie de Hema.

Kaertjes veur de WW-Band koste 10 euro.

Kaertjes veur het Groat Limburgs Mitzèng Gala gaon de deur oet veur 12,50 euro.

Geine tied om nao de Paosjmert te kòmme? Besjtel de kaerjtes dan via kaartverkoup aan de lènkerkenjt.

Úmmer dèkker kriege v'r de vraog wielang 't nog doert veurdat het 6 x 11-jaorig besjtaon van VV De Bessemebènjers gevierd wurt. Natuurlik zègge v'r dat gaer. Mer es geer 't zellèf sjnel wilt weite, kiek dan in de kolòm hienaeve.

Dao sjuit vanaaf noe 'nne tèller dae teröktèlt. Lekker gemekkelik, toch?

Drievoudig LVK-wènner W-Dreej is ein van de artieste die optraeje bij het 6x11-jaorig feës van De Bessemebenjers. W-Dreej is same mit Beppie Kraft, Erwin en Kartoesj te zeen en te heuëre tiejes het Groat Limburgs Mitzèng Gala op zaoterdigaovend 10 november.

W-Dreej haet op 3 fibbrewarie veur de derde keër het Limburgs Vastelaovesleedjes Konkour gewonne, en maog zich óngertösje tot de top-artieste in Limburg raekene.

En dat zeen de euverige artieste die dae aovend op de buhn versjiene auch. Kaertjes veur 't groat Limburgs Mitzeng Gala koste 12,50 in de veurverkoup. Hie kent geer alvas reservere.

Welkòm op de sait van het 6 x 11 jaorig feës van De Bessemebènjers. Vanaaf noe kent geer hie alle nuujts vènje euver HET evenement van Bor van 2012.

Van 9 tot en mit 18 november sjtuit Bor oppe kop. Zoa-es geer kent zeen, is het program al groatendeils klaor. Hie en dao probere w’r nog de puntjes op de ie te zette. Daovan hauwte w’r uch natuurlik op de heuëgte.

Leuk òm te weite: deze sait is ontwòrpe door Lars Dullens en technies gemaak door Yard Pörteners.

De blieje Bessemebènjer is de bienaam van het logo dat sjpésjaal ontwòrpe is ter gelegeheid van het 6 x 11 jaorig besjtaonsfeës vanVastelaovesvereiniging De Bessemebènjers Bor.

Ontwerper van het logo is Lars Dullens, dae zich leet insjpierere door het beeld van de Bessemebènjer aan de Kirksjtraot in Bor. Mer wo het beeld gans gekonsentreerd bezig is mit zien werk, bessemebènje, is het logo klaor om het 6 x 11 jaorig besjtaon van de Borse vastelaovesvereiniging te gaon viere. Neet veur niks sjtuk ‘r 6 vingers in de loch.

Het logo is offiesjeel geprissenteerd op 7 jannewarie, bie ’t begin van de Groate Bessemezitting van De Bessemebènjers en zal de kòmmende tied deks terökkòmme op allerlei oettinge rònjdom ‘t 6 x 11-jaorig besjtaonsfeës.